Заговоры донской целительницы на деньги. Золотые словеса хранителей Казачьего Спаса - Дарья Усвятова

Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тьме преходящия, от сряща, и беса полуденнаго. Падет от страны твоея тысяща, и тьма одесную тебе, к тебе же не приближится, обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится телеси твоему, яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою, на аспида и василиска наступиши, и попереши льва и змия. Яко на Мя упова, и избавлю и: покрыю и, яко позна имя Мое. Воззовет ко Мне, и услышу его, с ним есмь в скорби, изму его, и прославлю его, долготою дней исполню его, и явлю ему спасение Мое.

Псалом 50 (суббота)

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя. Яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо в беззакониих зачат есмь, и во гресех роди мя мати моя. Се бо истину возлюбил еси, безвестная и тайная премудрости Твоея явил ми еси. Окропиши мя иссопом, и очищуся, омыеши мя, и паче снега убелюся. Слуху моему даси радость и веселие, возрадуются кости смиренныя. Отврати лице Твое от грех моих, и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего, и Духа Твоего Святаго не отыми от мене. Воздаждь ми радость спасения Твоего, и Духом владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего, возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен: сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая: тогда возложат на алтарь Твой тельцы.

В воскресенье Пасхи в эту воду нужно опустить свечу, принесенную с Пасхальной заутрени. Свеча должна быть обязательно восковая. Воду хранят в западном углу дома. Этой водой можно смачивать кончики пальцев (чтобы деньги шли в руки), чуть сбрызгивать углы дома при каждой уборке. Когда вода закончится, ритуал можно повторить снова.

Заговор на липовый цвет с молитвенным обращением к святым бессребреникам и чудотворцам Косме и Дамиану

Молитва Святым бессребреникам и чудотворцам Косме и Дамиану

К вам, святии безсребренницы и чудотворцы Космо и Дамиане, яко к скорым помощником и теплым молитвенником о спасении нашем, мы, недостойнии, преклонше колена, прибегаем и припадающе усердно вопием: не презрите моления нас, грешных, немощных, во многая беззакония впадших, и по вся дни и часы согрешающих. Умолите Господа, да прибавит нам, недостойным рабом Своим, великия и богатыя Своя милости: избавите нас от всякия скорби и болезни, вы бо прияли есте от Бога и Спаса нашего Иисуса Христа неоскудную благодать исцелений, ради твердыя веры, безмезднаго врачевания и мученическия кончины вашея... Ей, угодницы Божии, не престайте молящеся за ны, с верою к вам притекающия: аще бо по множеству грехов наших и несмы достойни милосердия вашего, обаче вы вернии подражателие человеколюбия Божия суще, сотворите молитвами вашими, да плоды достойны покаяния приносяще, и в вечный покой достигнем, хваляще и благословяще дивнаго во святых Своих Господа и Бога и Спаса нашего Иисуса Христа, и Пречистую Матерь Его, и ваше теплое заступление всегда, ныне и присно и во веки веков. Аминь.

После молитвы начитывается заговор на липовый цвет:

Первым разком, светлым Господним часком, Господу Богу помолюся, Пресвятой Богородице Деве Марии помолюся. Святая Пречистая Богоматерь, святые чудотворцы Кузьма да Демьян, приступите, помогите, золотные слова произнесите. Золотник золотничку, золотой человечку! Живешь ты на море-окияне, на реке Иордане, под кущей липовой, под золотым цветом. Как липа золотом сыплет, так и меня, рабу Божью (имярек) осыпь золотом, как липа золотом благоухает, так и мне, рабе Божьей (имярек) пошли красу-благоуханье, на всякий день, на всякий часок. Чтобы я в золоте ходила, золотом умывалася, на золоте ела, на золоте пила, золотом пахла. Силы Господни со мною, добро с липою! Живи, злато, расти, злато, благоухай, злато, будь богато! Аминь.

Этот наговоренный липовый цвет нужно зашить в подушечку и положить в изголовье постели.

Заговор с молитвой преподобного Симеона Нового Богослова

Молитва преподобного Симеона Нового Богослова

Не попусти на меня, Владыко, Господи, искушение, или скорби, или болезнь свыше силы моей, но избавь от них или даруй мне крепость перенести их с благодарностью.

Затем начитывается заговор:

Первым разком, Божьим часком, Богородичной минуткой, архангельским гласом, возмолюся, воспрошу.

Выйду я, раб Божий (имярек), в чисто поле, на дороги, на перекрестье. На перекрестье стоит лесенка золота, по той лесенке ангелы спускаются, к людям приступаются, людей охраняют, добро дают. Ангелы-архангелы, приступитеся, оборонитеся, оградите меня от скорбей, от тревог, от беды, от нищеты. Пошлите мне здоровье, богатство, дому моему добро да приятство. Аминь.

Заговор с молитвой Святителю Митрофану, Воронежскому чудотворцу

Молитва Святителю Митрофану, Воронежскому чудотворцу

Правило веры и образ кротости словом и житием пастве твоей, отче смиренномудре Митрофане, был еси. Темже и во светлостех святых солнца светлейши возсиял еси, венцем нетления и славы украшаем, моли Христа Бога стране нашей и граду твоему в мире спастися. Воздержанием тело духу поработив, душу же равноангельну сотворив. Святительскою одеялся еси одеждою, яко венец священства, и ныне, всех Владыце предстоя, моли, всеблаженне Митрофане, умирити и спасти души наша. Святителю отче Митрофане, нетлением честных мощей твоих и многими благодеяньми, чудесно содеянными и содеваемыми тобою с верою к тебе притекающим, уверившеся, яко имаши велию благодать у Господа Бога нашего, всесмиренно припадаем вси и молимся тебе: моли о нас Христа Бога нашего, да ниспослет всем, чтущим святую память твою и усердно к тебе прибегающим, богатыя милости Своя: да утвердит во Святей Своей Православной Церкви живый дух правыя веры и благочестия, дух ведения и любве, дух мира и радости о Духе Святе, да вси члены ея, чисты от мирских искушений и плотских похотей и злаго действия злых духов, духом и истиною поклоняются Ему и усердно пекутся о соблюдении заповедей Его ко спасению душ своих. Пастырем ея да даст святую ревность попечения о спасении людей, им вверенных, да неверующих просветят, неведущих наставят, сомневающихся вразумят и удостоверят, отпадших от Православныя Церкве обратят в святые недра ея, верующих соблюдут в вере, грешных подвигнут к покаянию, кающихся утешат и укрепят в исправлении жизни, раскаявшихся и исправившихся утвердят в святости жизни: и тако всех введут указанным от Него путем в уготованное вечное Царство святых Его. Ей, святителю Божий, да устроиши молитвами твоими вся благая душам и телесем нашим: да и мы прославим в душах и телесех наших Господа и Бога нашего, Иисуса Христа, Ему же со Отцем и Святым Духом слава и держава во веки веков. Аминь.

После чего начитывается заговор:

Выйду, раба Божья, в чисто поле. Чисто поле золото, полно жита золотого. Навстречу мне святитель Митрофан. «Куда идешь, отец святой?». – «Иду до дому богатого, там казаки пахали, злато жито собирали. На семидесяти тележеньках золотых с поля вывозили, в золотые закромы ссыпали, золотыми лопатами гребли. Иду я то жито освящать. Кому жито освящу, тому прибыль весь год будет». – «Святитель Митрофан! Освяти мое жито, что в кошеле лежит. Пусть оно прибывает, пусть оно не переводится!» Аминь.

Заговор с молитвой пред иконою Божией Матери «Всецарица», именуемою Пантанасса

Молитва пред иконою Божией Матери «Всецарица»

Образом радостотворным честныя Всецарицы, желанием теплым взыскающих благодати Твоея, спаси, Владычице; избави от обстояний к Тебе прибегающих; от всякия напасти огради стадо Твое, к заступлению Твоему взывающее присно. Новоявленней Твоей иконе предстояще вернии умиленно, воспеваем Ти, Всецарице, раби Твои; низпосли цельбы к Тебе притекающим ныне рабом Твоим. Да вси радостно зовем Ти: Радуйся, Всецарице, недуги наша благодатию исцеляющая. Всеблагая, досточудная Богородице, Пантанасса, Всецарице! Несмь достоин, да внидеши под кров мой! Но яко милостиваго Бога любоблагоутробная Мати, рцы слово, да исцелится душа моя и укрепится немощствующее тело мое. Имаши бо державу непобедимую, и не изнеможет у Тебе всяк глагол, о Всецарице! Ты за мя упроси! Ты за мя умоли. Да прославляю преславное имя Твое всегда, ныне и в бесконечныя веки. Аминь. О пречистая Богомати, Всецарице! Услыши многоболезненное воздыхание наше пред чудотворною иконою Твоею, из Афонского удела в Россию пренесенною, призри на чад Твоих, неисцельными недуги страждущих, ко святому образу Твоему с верою припадающих! Якоже птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненною Надеждою буди. Тамо, идеже лютыя скорби превозмогают, Терпением и Ослабою явися. Тамо, идеже мрак отчаяния в души вселися, да возсияет неизреченный свет Божества! Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о всемилостивая Царице! Ум и руки врачующих нас благослови; да послужат орудием Всемощнаго Врача Христа Спаса нашего. Яко живей Ти, сущей с нами, молимся пред иконою Твоею, о Владычице! Простри руце Твои, исполненныя исцеления и врачбы, Радосте скорбящих, в печалех Утешение, да чудотворною помощь скоро получив, прославляем Живоначальную и Нераздельную Троицу, Отца и Сына и Святаго Духа, во веки веков. Аминь.